Berriak

Maiatzaren 15, 16 eta 17an Lehen Hezkuntzako 2-3-4-5-6. mailako ikasleak Hondarribira kanpaldia egin genuen Auritz eta Aurizberriko ikasleekin batera.
Hainbat ekintza egin genituen ( itsasontzian buelta, arrantza, gynkanak, mendi buelta, hondartzaz gozatu, meategiari bisita, herri buelta, gaubelak….)
Esperientzia izugarria izan da Auñamendiko beste ikasleekin batera, gure harremanak sendotzeko aukera paregabea izanda.
Argazkian ikus dezakezue Aiako harrietan kokatutako Arditurriko meategiari egin genion bisita.

Maiatzaren 17an Bertizera abiatu ginen. Iristean, hamaiketakoa hartu genuen. Ondoren, arbolismoa egitera joan ginen Bertiz abentura parkera. Oso ongi pasa genuen. Sei zirkuito ziren, errazenetik zailenera. Arratsaldean, neoprenoak ahal bezala sartu eta piraguismoa egitera joan ginen. Ilunabarrean, kartetan, futbolean eta beste gauza batzuetara jolastu genuen. Gauean, afaldu eta diskotekara joan ginen. Gau luzea pasa genuen.

Biharamunean, izugarrizko aurpegiekin, Bertizko Natur parkea ezagutu genuen. Ederki bazkaldu eta zoritxarrez, etxera bueltatu ginen.

Oso gustora egon gara baina motza izan da. Errepikatzea izugarria izango litzateke (baina denbora gehiago).

Aurreko maiatzaren 18an EUTSI-koen bisita izan genuen eskolan. LH2,3,4 eta LH5,6 geletako ikasleek parte hartu zuten Eutsik proposatutako belaunaldien arteko ekintzan. Aurten, martxa nordikoaren inguruan izan da. Eguraldi txarra zela eta, pistan martxa nordikoaren teknika lantzeko hainbat jolas egin genituen.

Primeran pasa genuen! Esker mila Eutsi, proposamenarengatik eta espero dugu datozen urteetan ere elkarrekin ekintza gehiago egitea.

Aurten ere Pirinioko Euskara Zerbitzuek Mikroipuin Lehiaketa antolatu dute borzgarren urtez. LH 3-4-5-6 eta DBHko gure ikasleek parte hartu dute eta hainbat sari irabazi dituzte. DBH 1-2 kategorian Mikel Mendia Orradrek irabazi du bere “Azken ordua” mikroipuinarekin. 2.saria, berriz, Ipar Txapar Urdangarinek irabazi du, “Guda” lanarekin. DBH 3-4 kategoriari dagokionez, irabazlea Afrika Ayesa Salcedo izan da, “Nire pertsona gogokoena zu zara” mikroipuinarekin. Sari banaketa polit bezain dibertigarria izan zen eta gure irabazleek euskarazko produktuak erosteko txekeak lortu dituzte.

Gure eskolan harrobi ederra dugula argi dago. Esker mila parte hartzaile guziei, zorionak gure irabazleei eta segi ezazuela bizitza hitzez edertutako abenturekin gozatzen!

Maiatzaren 6an, larunbatean, Garraldako ikastetxeak Nafarroako Matematikako XXXV. Olinpiadan parte hartu zuen, San Adrianen. Aroa eta Mikel, DBHko 2. mailakoak, izan ziren gure ordezkariak. Hara joan ziren, froga osatzen zuten sei problema matematikoak bikoteka ebazteko. Estatuko faserako hautatuak izan ez ziren arren, Aroa eta Mikel pozik atera ziren frogatik, logika eta matematika erabiliz problema guztiak planteatzeko gai izan baitziren. Eskerrik asko bioi parte hartzeagatik!

Maiatzaren 3 eta 4an Iturramako institutuak III. Paper Bridge Paperezko Zubi Lehiaketa ospatu zuen eta Garraldako DBH1eko ikasleek bertan parte hartu zuten Nafarroako beste hainbat ikastetxeetako ikasleekin batera.

Lehiaketaren helburua ahalik eta zamarik haundiena jasango duen paperezko zubia diseinatu eta eraikitzea da. Horretarako soilik papera erabili daiteke eta itsasgarri bezala kola txuria edo termofusiblea.

Ikastetxe guztien artean Hegoa Dufur -ek eta Aitor Urrak osatutako taldeak 4.postua lortu zuten, beraien zubiak 30kg jasan bait zituen. Zorionak bikote!