Berriak

DBH 1. eta 2. mailako ikasleek AEIOZU elkarteak emandako ziberjazarpenari eta zibersegurtasunari buruzko tailerrean parte hartu dute.

Dinamika parte-hartzaileen bidez, – antzerki-forum jaruderak, besteak beste -, ingurune digital seguruago eta errespetuzkoago bat eraikitzearen garrantziaz hausnartu ahal izan dute.

Saioetan zehar, pribatutasuna babesteko, jazarpen egoerak prebenitzeko eta ongizate digitala sustatzeko tresnak eta ikuspegia landu dituzte. Sareetan teknologia arduraz erabiltzea, pentsamendu kritikoa eta enpatia funtsezko gaitasunak dira, bai orainaldiari bai etorkizunari begira, eta tailer honek modu praktikoan indartu ditu.

DBH3ko ikasleek Historiaurreko instrumentuak sortu dituzte musikako ikasgaian. Garai horretako instrumentuak oso oinarrizkoak ziren, izan ere, naturan aurkitzen ziren elementuak erabiltzen zituzten, adibidez harriak, adarrak edota haziak. Instrumentu hauen helburua naturako elementuak imitatzea zen eta erritualei lotuak zeuden.

Ideia honetan oinarriturik eta beraien sormena erabiliz, ikasleek 5 instrumentu sortu dituzte: banjovi, macarenus abstractus, danbor-kutxa, danboraka eta arpua.

Urtero bezala, pasa den urriaren 21ean, Arnegi/Luzaide, Erro, Aurizberri eta Garraldako eskoletako Haur eta Lehen Hezkuntzako ikasleek Iruñerako ohiko txango bateratuaz gozatu zuten.

Irteera honen helburua, egun desberdin bat pasatzeaz gain, Auñamendi bailarako ikastetxe ezberdinetako haurren arteko elkarbizitza eta ezagutza bultzatzea da.

Guztira 134 gaztetxo elkartu ziren eta hiru autobus behar izan ziren haien ekintzetara eramateko.

Haur Hezkuntzako ikasleek Kili-Kili haur-parkean igaro zuten goiza, eta bertan beren adinari egokitutako jolas eta jarduerez gozatu zuten. Lehen Hezkuntzako 1., 2. eta 3. mailako taldeak Salting-era joan ziren, eta han jauzi egin, korrika egin eta energia osoz dibertitu ziren. Lehen Hezkuntzako 4., 5. eta 6. mailakoek, berrikuntza batean parte hartu zuten aurten: saio bat Urtxintxa zirkuan, malabareak eta bestelako trebeziak praktikatuz zirku munduan hasteko aukera izan zutena.

Eguna bukatzeko, Ollokiko frontoian denak elkarrekin bazkaldu zuten. Alaitasunez, elkarbizitzaz eta esperientzia berriez beteriko jardunaldia izan zen, parte-hartzaileek irribarre handi batez gogoratuko dutena, zalantzarik gabe.

Zenbat paper erabiltzen dugu eskolako jantokian eta komunetan? Asko,gutxi? Gutxiago erabil dezakegu? Erabiltzen dugun ura, nondik dator? Nola heltzen da gugan, guk edan ahal izateko? Behin erabilita,zikina,nora doa? Nola funtzionatzen du txirrindula batek? Txirrindula bat mugiarazteko erabiltzen dugun energia, beste modu batez probestu al dugu? Galdera hauen inguruan hausnarketa egiten duen dokumentala. DBH 2koek egina.

Urak eginen du bide

DBH 1eko “Hitza Jolas” ikasgaiko ikasleek maiatzean zehar Irati irratian astero irratsaio bat egin dute. Hainbat konturi buruz hitz egin dute: eskolako berriak, elkarrizketak, proiektuak… eta irratsaioa bukatzeko, esaera zahar bat eta abesti bat.

Entzuteko gogoz bazaudete, hementxe duzue: http://iratiirratia.eus/index.php/2025/06/02/garraldako-ikasleen-azken-kolaborazioa-berriak-frontenisa-animoak-mikel-villarolaini-elkarrizketa-proiektuak-eta-eskerrak/

Ekainaren 6an DBH guztia Nagorera joan ginen. Autobusez abiatu ginen eta Nagoreko herrian utzi gintuen. Oinez urtegia inguratu genuen eta bi taldetan banatu ginen, DBH3-4 eta DBH1-2. Lehenengo taldeak eliza erromanikoa bisitatu genuen eta bigarren taldeak erromatar garaiko termak bisitatu zituen Juan Mari Martinez Txoperenaren eskutik eta gero alderantziz. Horren ondotik, urtegian bainua hartu genuen.

Egun ederra pasa genuen!