Berriak

Urriaren 11an Otsagi eta Erronkariko eskolen bisita jaso genuen. Hainbat jarduera egin genituen elkarrekin: Txorientzako kabiak eraiki eta zuhaitzetan paratu, animalien arrastoak identifikatzeko tailerra, ginkana eta arroil jeitsiera.

Urriaren 6ean DBH4ko ikasleak Orbaizetako olara joan ginen. Natura Blai elkartearen gonbiteari jarraituz Garralda, Erronkari, Otsagi eta Baigorriko ikasle eta irakasleak, bai eta Erronkariko Natur Interpretazio Zentroko lagunak Orbaizetako olan elkartu ginen. Proiektu hau mugako bi aldeetako ikasleak harremanetan jartzea du helburu.
Egunean zehar Kultur Ola bisitatu genuen. Bertan Patxik Arma Olaren historia azaldu zigun hainbat bideo eta maketekin. Gero, Arma Olan aintzinako labeak ikusi genituen. Bertan Natura Blaiko Oskarrek burdina nondik eta nola ekartzen zuten azaldu zigun eta burdin hori nola lantzen zuten fabrikan. Azkenik ibilbide geologikoa egin genuen aintzinako Txangoako meategietatik burdin hori nola lortzen zuten ikusteko eta inguruko historia geologikoari buruz gehiago jakiteko Puyren azalpenei esker.
Eguraldi ederra egin zigun. Oso ongi pasa genuen basotik erreka ondoko paseoan. Batzuk onddoren bat hartu zuten eta guzti!

Gu DBH 4ko Komunikazio Tailerreko ikasleak gara eta erronka berri bat dugu: gure zonaldeko IRATI Irratian kolaborazio bat eginen dugu astero. Hasteko, irratia bisitatzera joan ginen Aribera eta Eneko Villegas kazetariari elkarrizketa bat egin genion. Hau da, elkarrizketatzailea dena elkarrizketatu bihurtu genuen. Orain Galuzerrita irratsaioa sortu dugu eta hemendik aitzinera hainbat konturi buruz ariko gara irratian: eskolako berriak, gure jantokiko menua, errezetak, elkarrizketak, musika kontuak, jolasak, etab.

Gure Galuzerrita irratsaioa entzuteko aukera ortziralero izanen duzue, 11:45an.

Adi egon seinaleari!

Aurten ere 5 eta 6.mailako ikasleek bizikleta martxa egin dugu. Aurreko ostiralean, hilak 16, Garraldatik abiatu eta Orreagaraino joan ginen. Bertan zirkularra egin genuen basoan pixkat sartuz eta Auritzetik, bide beretik, buelta egin genuen. Auritz eta Aurizberriko ikasleak ere etorri ziren. Eguraldi ona eta konpainia hobea! Egun polita izan zen!

Maiatzak 29, 30 eta 31an Auzperri eta Garraldako HH eta LH 1-eko ikasleak Astitzen egon gara kanpaldian. Bertan ekintza anitz egin ditugu: ibilaldiak basotik, herria ezagutu, txiki-txokoan tailerrak, parkean jolastu, diskoteka… Oso gustora egon gara, oso ongi tratatu gaituzte eta Auzperri eta Garraldako ikasle eta irakasleak oso pozik gaude gehiago elkar ezagutu dugulako.

Maiatzaren 29tik 30era DBH 1 eta 2ko ikasleak Bidarraira joan ginen. Raftinga egiten oso gustura egon ginen eta oso-oso ondo pasatu genuen, ekintzarik hoberena izan zen. Begiraleak oso jatorrak ziren eta oso ondo erakutsi ziguten. 3 begirale izan genituen. Baskoh-lanta ongi egon zen baina ez zitzaigun asko gustatu, pixka bat aspergarria izan zen.

Bertzalde, aterpea bikaina izan zen, gelak oso-oso ondo zeuden, janaria oso ona eta orokorrean lekua bikain. Herri oso polita eta bikaina, aldapa batzuk zituen baina bestela ondo. Trinketea ongi zegoen eta handia zen, plaza ederra zeukan, guztia polita zen.

Kanpaldi oso-oso ona izan da!