(abajo en castellano)
DBH 4. mailako ikasleek, komunikazio tailerra ikasgaian, abian jarri dute podcasta. Bere lehenengo kapitulua sortu dute eta zuekin partekatzera datoz. Kapitulu honetan jorratu duten gaia, emakumeok pairatzen dugun giza presioa izan da. Laster izanen dituzue kapitulu gehiago.
Garraldako Landa Eskolak World Cafe formatuko elkarbizitzarako jardunaldi aberasgarria ospatu zuen atzo, hezkuntza komunitate osoko 35 pertsona bildu zituen elkarrizketa gune parte-hartzailea.
Topaketan irakasleek, Haur, Lehen eta Bigarren Hezkuntzako familiek, jantokiko langileek eta inguruko hainbat erakundetako ordezkariek parte hartu zuten, horien artean osasun arloko eta gizarte zerbitzuetako profesionalak. Helburu komuna: guztion artean ikastetxean elkarbizitza positiboa eraikitzea eta horri buruz hausnartzea.
Ikastetxeak hezkuntza integralarekin eta lotura komunitarioak sendotzearekin duen konpromisoaren barruan kokatzen da ekimen hau. Aurreko egunetan, ikasle guztiek (Haur Hezkuntzatik Bigarren Hezkuntzara) ikasgelan gai berak landu zituzten, txikien ahotsak ere entzungo zirela ziurtatuz.
Topaketa elkartze, entzute eta enpatia gune bihurtu zen, non kezkak, proposamenak eta ametsak partekatu ziren ikastetxeko bizitza hobetzen jarraitzeko.
“Gure txikiak heztea zeregin komuna da, eta horrelako espazioek elkarrekin egitearen balioa gogorarazten digute”
Irakasle-taldeak eskerrak eman nahi dizkie jarduera posible egin zuten pertsona guztiei, inplikazioagatik eta gogo biziagatik, eta balioa eman nahi die landa-eskolek lurraldean kohesiorako eta bizikidetzarako motor gisa duten zereginari.
DBH 1. eta 2. mailako ikasleek AEIOZU elkarteak emandako ziberjazarpenari eta zibersegurtasunari buruzko tailerrean parte hartu dute.
Dinamika parte-hartzaileen bidez, – antzerki-forum jaruderak, besteak beste -, ingurune digital seguruago eta errespetuzkoago bat eraikitzearen garrantziaz hausnartu ahal izan dute.
Saioetan zehar, pribatutasuna babesteko, jazarpen egoerak prebenitzeko eta ongizate digitala sustatzeko tresnak eta ikuspegia landu dituzte. Sareetan teknologia arduraz erabiltzea, pentsamendu kritikoa eta enpatia funtsezko gaitasunak dira, bai orainaldiari bai etorkizunari begira, eta tailer honek modu praktikoan indartu ditu.
DBH3ko ikasleek Historiaurreko instrumentuak sortu dituzte musikako ikasgaian. Garai horretako instrumentuak oso oinarrizkoak ziren, izan ere, naturan aurkitzen ziren elementuak erabiltzen zituzten, adibidez harriak, adarrak edota haziak. Instrumentu hauen helburua naturako elementuak imitatzea zen eta erritualei lotuak zeuden.
Ideia honetan oinarriturik eta beraien sormena erabiliz, ikasleek 5 instrumentu sortu dituzte: banjovi, macarenus abstractus, danbor-kutxa, danboraka eta arpua.
Urtero bezala, pasa den urriaren 21ean, Arnegi/Luzaide, Erro, Aurizberri eta Garraldako eskoletako Haur eta Lehen Hezkuntzako ikasleek Iruñerako ohiko txango bateratuaz gozatu zuten.
Irteera honen helburua, egun desberdin bat pasatzeaz gain, Auñamendi bailarako ikastetxe ezberdinetako haurren arteko elkarbizitza eta ezagutza bultzatzea da.
Guztira 134 gaztetxo elkartu ziren eta hiru autobus behar izan ziren haien ekintzetara eramateko.
Haur Hezkuntzako ikasleek Kili-Kili haur-parkean igaro zuten goiza, eta bertan beren adinari egokitutako jolas eta jarduerez gozatu zuten. Lehen Hezkuntzako 1., 2. eta 3. mailako taldeak Salting-era joan ziren, eta han jauzi egin, korrika egin eta energia osoz dibertitu ziren. Lehen Hezkuntzako 4., 5. eta 6. mailakoek, berrikuntza batean parte hartu zuten aurten: saio bat Urtxintxa zirkuan, malabareak eta bestelako trebeziak praktikatuz zirku munduan hasteko aukera izan zutena.
Eguna bukatzeko, Ollokiko frontoian denak elkarrekin bazkaldu zuten. Alaitasunez, elkarbizitzaz eta esperientzia berriez beteriko jardunaldia izan zen, parte-hartzaileek irribarre handi batez gogoratuko dutena, zalantzarik gabe.
Zenbat paper erabiltzen dugu eskolako jantokian eta komunetan? Asko,gutxi? Gutxiago erabil dezakegu? Erabiltzen dugun ura, nondik dator? Nola heltzen da gugan, guk edan ahal izateko? Behin erabilita,zikina,nora doa? Nola funtzionatzen du txirrindula batek? Txirrindula bat mugiarazteko erabiltzen dugun energia, beste modu batez probestu al dugu? Galdera hauen inguruan hausnarketa egiten duen dokumentala. DBH 2koek egina.
