Berriak

Nafarroako Xake Federakuntzaren gonbiteari jarraituz, Garraldako eskolan Xake Txapelketa antolatu dugu patio ordu eta eskolaz kanpokoetan.

Pasaden abenduaren 4ean, urtero bezala, Garraldako eskolan euskararen eguna ospatu genuen.

Eskolara heltzean talde bakoitzak pelikula bat ikusi genuen gure gelan. Ondoren adin desberdinetako ikasleak nahastu ginen eta dinamika desberdinetaz gozatu genuen. Dinamika horiek hitz tailerra (murala), herri kirolak, zonaldeko kirolarien tailerra eta Aezkeraren inguruko tailerra izan ziren. Dinamika hauek amaitzean denok elkartu ginen eta ekitaldi nagusia ospatu genuen. Janus Lesterren Kantu on bat abestia abestu genuen eta otapurrak jan genituen. Eskerrik asko sukaldariei, zeinen goxoak zeuden! Eguna bukatzeko DBH-ko ikasleek dantzaldia izan zuten pistan.

Egun zoragarria izan zen eta eskolako xede garrantzitsuenetariko bat presente egon zen goiz osoan zehar. Garraldan euskaraz hezi eta bizi nahi dugu!

Esker bereziak eman nahi dizkiegu Ion Retegi eta Maider Ardanazi pilota joku desberdinak haurrengana hurbiltzeagatik eta Edurne Bidadorri Aezkerako hitz jolasak prestatzeagatik. Eskerrak eman nahi dizkiegu ere Javi Antxori eta Alejandro Belzunceri otapurrak sukaldatzeko logistikan laguntzeagatik.

Azaroaren 25ean genero indarkeriaren kontrako egunaren inguruko hainbat ekimen egin genituen. Ipuin klasikoak genero ikuspegitik landu eta esku moreak egin, moztu eta bertan indarkeria matxistaren aurkako mezuak idatzi. Azkenik, esku horiekin mosaiko erraldoi bat egin genuen.

---

Kaixo, gu DBH 1eko ikasleak gara eta iraila amaieran egin genuen irteera kontatuko dizuegu: Garraldatik atera ginen goizeko bederatzietan autobusez eta Auritzera joan ginen. Handik Menditxurira igo ginen DBHko beste ikasle guztiekin batera. Han Adurrek, Historia irakasleak, bertan dauden bunkerren datuak eta historia kontatu zigun.

Geroago DBH 1ekoak Sorogainera abiatu ginen eta beste guztiak eskolara itzuli ziren. Aldapa handiak igo genituen eta azkenean iritsi ginen Sorogaineko aterpetxera.

Bazkaldu ondoren orientazio ginkana bat egin genuen, gero denbora librea izan genuen eta gauean orroaldiaren tailerra eta gauean izarrei buruzko aurkezpen oso interesgarria eman ziguten Oskarrek eta Arantxak. Hurrengo egunean esnatu eta oreinen orroaldia entzutera joan ginen. Ondoren, gosaldu genuen, harrikoa egin, aterpea garbitu eta dena jaso genuen. Gero dena hartu genuen eta autoz joan ginen Aurizberriko Erburu okindegira ogia egitera. Ogia labean zegoen bitartean parkera joan ginen. Azkenik guk egindako ogi goxoa hartu, eskolara itzuli ginen eta handik etxera.

Asko gustatu zaigu irteera hau , oso ongi pasa genuen eta berriz errepikatuko genuke!

DBH4ko ikasleok Biologia-Geologia ikasgaian,fosilizazio prozesua ikasten eta ikertzen egon gara. Fosilizazio prozesua simulatzeko,gure inguruan aurkitu daitezkeen fosilen erreplikak sortu ditugu. Hori egiteko, buztin zati bat hartu eta zapaldu genituen eta fosila gainean jarri eta berriz zapaldu genuen molde bat lortzeko,eta ondoren labean sartu ongi lehortzeko.
Gai hau ematen ari ginela probesteko,LH 1 -koei fosilei buruzko azalpen txiki bat genien:zer diren nola sortzen diren eta erreplika horiek nola egin genituen. Bukatzeko jolas bat egin genuen, fosila eman eta bere erreplika bilatu behar zuten.
Gure ustez proiektu hau polita izan da txikiei azalpenak ematea oso ongi egon zelako.

Kaixo, gu DBH 4ko Orientazio Profesionala ikasgaiko ikasleak gara, eta azken hilabete honetan kirol txapelketak antolatu ditugu,
Lehendabizi DBH-ko ikasle guztioi galdetegi bat eman genien. Horrela geihen aukeratu zuten kirolak aukeratu genituen (futbola, frontenis, eskubaloia, eskupilota, mus, partxis eta pin-pon). Ondoren, galdetegi honekin hautatutakoa kirol bakoitzeko taldeak egin genituen zozketa bidez. Gero kartelak eta planifikazioa egiten hasi ginen. Hau dena eginda genuenean, egutegia prestatu genuen eta informatzeko kartelak jarri genituen. Zailtasun asko izan ditugu parte hartzaileek ez koinziditzeko egun, ordu eta kirol ezberdinetan. Aurrerago arauak planifikatzen eta adosten hasi ginen.
Orduan, Ikasbidaiaren gaia atera zen eta dirua irabazteko zerbait pentsatu genuen. Bururatu zitzaigun zeremonia bukatzean, bokata batzuk egitea, eta horiek salduta, irabazten genuena ikasbidairako geratzea.
Txapelketa bakoitzeko iarbazleentzat dominak txapak egiteko makina batekin sortu genituen, eta baita diplomak ere. Partidu guztiak behin amaituta, sariak banatzeko zeremonia prestatu genuen pistan, diplomak eta dominak entregatzeko.
Txapelketa hauekin espero dugu DBH-ko ikasle eta irakasle guztiak oso ongi pasa izana, guk ere oso ongi pasa dugu dena antolatzen, nahiz eta lan gogorra izan.