Aste hauetan zehar 2.DBH-ko ikasleekin, proiektu baten bidez, forma geometrikoak lantzen ari gara. Horretarako, plastika eta matematikako irakasgaiak batu ditugu eta inguruko forma geometrikoei erreparatu diegu.
Gelan eduki batzuk landu eta gero, herrian zehar egindako ginkana baten bidez proiektuari hasiera eman genion. Ikasleek Garraldako bazterrak aztertu zituzten bertako putzuan dagoen ur bolumena kalkulatuz, eraikin ezberdinetako altxaerak aztertuz, forma geometrikoak aurkituz edota Tales bidez zuhaitz baten altuera ateraz.
Hortik aurrera, hilarrietan zentratuz joan gara. Herritarra zen Jose Rotaren lana ezagutu dugu. Bere seme-alabek tailerreko atariak ireki dizkigute eta bere lanak eta lan egiteko modua azaldu dizkigute. Bestalde, ikasle bakoitzak bere herrietako hilarriak aukeratu eta krokisetik plano formalera pasatu ditugu. Informazio guzti honekin, Jose Rota eta hilarrien inguruko murala sortzeko aukera izanen dugu.
Utzi erantzuna