Berriak

Aurreko maiatzaren 18an EUTSI-koen bisita izan genuen eskolan. LH2,3,4 eta LH5,6 geletako ikasleek parte hartu zuten Eutsik proposatutako belaunaldien arteko ekintzan. Aurten, martxa nordikoaren inguruan izan da. Eguraldi txarra zela eta, pistan martxa nordikoaren teknika lantzeko hainbat jolas egin genituen.

Primeran pasa genuen! Esker mila Eutsi, proposamenarengatik eta espero dugu datozen urteetan ere elkarrekin ekintza gehiago egitea.

Aurten ere Pirinioko Euskara Zerbitzuek Mikroipuin Lehiaketa antolatu dute borzgarren urtez. LH 3-4-5-6 eta DBHko gure ikasleek parte hartu dute eta hainbat sari irabazi dituzte. DBH 1-2 kategorian Mikel Mendia Orradrek irabazi du bere “Azken ordua” mikroipuinarekin. 2.saria, berriz, Ipar Txapar Urdangarinek irabazi du, “Guda” lanarekin. DBH 3-4 kategoriari dagokionez, irabazlea Afrika Ayesa Salcedo izan da, “Nire pertsona gogokoena zu zara” mikroipuinarekin. Sari banaketa polit bezain dibertigarria izan zen eta gure irabazleek euskarazko produktuak erosteko txekeak lortu dituzte.

Gure eskolan harrobi ederra dugula argi dago. Esker mila parte hartzaile guziei, zorionak gure irabazleei eta segi ezazuela bizitza hitzez edertutako abenturekin gozatzen!

Maiatzaren 6an, larunbatean, Garraldako ikastetxeak Nafarroako Matematikako XXXV. Olinpiadan parte hartu zuen, San Adrianen. Aroa eta Mikel, DBHko 2. mailakoak, izan ziren gure ordezkariak. Hara joan ziren, froga osatzen zuten sei problema matematikoak bikoteka ebazteko. Estatuko faserako hautatuak izan ez ziren arren, Aroa eta Mikel pozik atera ziren frogatik, logika eta matematika erabiliz problema guztiak planteatzeko gai izan baitziren. Eskerrik asko bioi parte hartzeagatik!

Maiatzaren 3 eta 4an Iturramako institutuak III. Paper Bridge Paperezko Zubi Lehiaketa ospatu zuen eta Garraldako DBH1eko ikasleek bertan parte hartu zuten Nafarroako beste hainbat ikastetxeetako ikasleekin batera.

Lehiaketaren helburua ahalik eta zamarik haundiena jasango duen paperezko zubia diseinatu eta eraikitzea da. Horretarako soilik papera erabili daiteke eta itsasgarri bezala kola txuria edo termofusiblea.

Ikastetxe guztien artean Hegoa Dufur -ek eta Aitor Urrak osatutako taldeak 4.postua lortu zuten, beraien zubiak 30kg jasan bait zituen. Zorionak bikote!

Martxoaren 30ean III. Auñamendi bailarako eskolen arteko topaketa burutu zen. Bertan, Luzaide, Arnegi, Auritz, Garralda, Auzperri eta Erroko ikasle zein irakasle guztiak Aurizberrin elkartu ginen.

Pandemiaren eraginez atzeratu zen topaketa aurtengo ikasturtean egiteko auekra izan da eta hiru helburu zehatz izan ditu: ikasleek beraien arteko harremanak sustatu, euskararen erabilera eta hainbat ekintza ezberdin burutu gure ingurunean ditugun baliabideak ezagutu eta esperimentatuz.

Guztira, 145 ikasle eta 29 irakasle elkartu ginen, lau tailerretan parte hartuz:
Haur Hezkuntza: Erraldoiak eta ipuin kontaketa.
Lehen Hezkuntzako 1-2 mailak: Okindegira joan ziren eta bertan ogia egiten ibili ziren.
Lehen Hezkuntzako 3-4 mailak: Pirinekiko behiak ikusi eta dendan bertako produktuak dastatu eta ezagutzeko aukera izan zuten.
Lehen Hezkuntzako 5-6 mailak: Kirolean murgildu ziren, herritarrak lagun izanik esku pilota, pala eta zesta punta praktikatu zituzten.

Tailerra amaitu ondoren, hamaiketakoa elkarrekin hartu eta pregoiaren irakurketari ekin genion. Eskola bakoitzeko ikasle banak irakurri zuten eta bertako irakaslea izan den Nekanek hurrengo topaketak non ospatuko ziren esanez, kutxa mezu ezkutuarekin Garraldako eskolari pasa zion.

“Liburuak gozagarri” programaren baitan, Yolanda Arrieta idazle etxebarriarra eskolan izan dugu. Lehen Hezkuntza eta DBHko ikasleekin saioak egin ditu, eta gure ikasleek bere lana hurbiletik ezagutzeko aukera izan dute.

Segi dezagun literaturaren mundu magikoan bidaiatzen!